एस एल सीमा फेल भएपछि सात किशोरीले आत्महत्या गरे

  काठमाडौं, असार १ (टप नेको)- प्रवेशिका परीक्षामा फेल भएका सात किशोरीले आत्महत्या गरेका छन्। काठमाडौंमा दुई, बाहिरका पाँचले आत्महत्या गरेका छन्। विष खाएकी एक परीक्षार्थी उपचाररत छिन्। पाँचले झुन्डिएर, दुईले विष खाएर आत्महत्या गरेका हुन्।
 कीर्तिपुर नरेफाँटमा निरुता कार्की कोठामा झुन्डिएको अवस्थामा फेला परिन्। रामेछाप खाँडदेवीकी उनी काठमाडौंमा दाजुसँग बस्दै आएकी थिइन्। बिहीबार नतिजा हेरेकी उनी असफल भएपछि सिलिङफ्यानमा झुन्डिएकी थिइन्। बिहान १० बजे उनको शव फेला परेको थियो। काठमाडौं प्रभाव माविबाट एसएलसी दिएकी रुविना केसी र सबला बानियाँ बिहीबार विष खाएर अशक्त अवस्थामा फेला परेका थिए। महादेवस्थान गाविसका दुवैलाई परिवारले समाज अस्पताल पुर्‍याएका थिए।
चिन्ताजनक अवस्थामा रहेकी रुविनालाई अस्पतालले थप उपचारका लागी स्टार अस्पताल रिफर गरे पनि बाटैमा मृत्यु भयो। सबला भने समाज अस्पतालमै उपचाररत छिन्।
धादिङ ज्यामरुङकी १७ वर्षीया रेश्मा कँडेल अध्ययनमा राम्रो भएकीले विद्यालय र उनको परिवार प्रथम श्रेणी आउनेमा ढुक्क थियो तर उनी असफल भइन्। रानीपौवा उच्च माविबाट परीक्षा दिएकी कँडेल बिहीबार बिहान धुरिबलोमा झुन्डिएर मृत भेटिइन्।
प्रहरी प्रधान कार्यालयका अनुसार उपत्यकाबाहिरका विराटनगर, नेपालगन्ज र पाल्पामा समेत अप्रिय घटना भएका छन्। विराटनगरकी मधु देवान, नेपालगन्जकी प्रतीक्षा शर्मा, पाल्पाकी सरिता राना र जनकपुरकी सेखाकुमारी सिंहले एसएलसीमा अनुत्तीर्ण भएपछि आत्महत्या गरेका छन्।
पाल्पा छहाराकी १६ वर्षीया सरिताको शव घरमा झुन्डिएको अवस्थामा फेला परेको थियो। उनले छहाराको भैरवनवदीप उच्च माविबाट एसएलसी परीक्षा दिएकी थिइन्। परीक्षामा असफल भएपछि उनी निराश थिइन्।
नेपालगन्ज गोसाइँगाउँकी प्रतीक्षा शर्माले झुन्डिएर आत्महत्या गरेकी थिइन्। नारायणी उच्च माविबाट परीक्षा दिएकी उनी झुन्डिएको अवस्थामा घरमा फेला परेपछि उपचारका लागि भेरी अञ्चल अस्पताल पुर्‍याए पनि अस्पताल पुर्‍याउनुअघि नै उनको मृत्यु भएको थियो।
विराटनगरमै श्रीराम उच्चमाविबाट एसएलसी दिएकी मधु देवानले बिहीबार बिहान विष सेवन गरेर आत्महत्या गरिन्। बेहोस अवस्थामा फेला परेकी उनलाई कोसी अञ्चल अस्पताल लगिएको थियो। तर, अस्पताल पुर्‍याउनुअगाडि नै उनको मृत्यु भएको थियो।
जनकपुर- ८ की १६ वर्षीया सेखाकुमारी सिंह घरमा पासो लगाएर झुन्डिएको अवस्थामा बिहान आठ बजे मृत फेला परेकी थिइन्। सलको पासो लगाई झुन्डिएको अवस्थामा फेला पारेकी उनलाई जनकपुर अञ्चल अस्पताल जनकपुर लगिएको थियो। उनको उपचारकै क्रममा मृत्यु भएको थियो।
मनोविश्लेषक डा. गंगा पाठकले परीक्षाको नतिजा प्रकाशित भएपछि भइरहेका आत्महत्याले शिक्षा प्रणाली र सामाजिक मानसिकतामा पुनरावलोकन गर्नुपर्ने आवश्यकता देखिएको बताइन्। एसएलसी परीक्षामा सफललाई बढी महत्व दिँदा असफल हुनेहरु निराश भएर गलत बाटो रोज्ने गरेको उनको विश्लेषण छ।
'पुरुषको तुलनामा महिला धेरै इमोसनल हुने हुँदा यस्ता दुघर्टना हुन्छन्,' उनले भनिन्, 'छोराको तुलनामा छोरीलाई परिवारले पनि बढी दबाब दिँदा यस्ता दुघर्टना निम्तिरहेका छन्।'

नायिका खड्काले आत्महत्या गरिन

 टप नेको -
नाईका जेसिका खड्काले आत्महत्या गरेकी छिन् ।
प्रकाश ओझा यौन प्रकरण भिडीयोबाट चर्चामा आएकी उनले काठमाडौंको झोछेको कोठाको सिलीङमा सलले पासो लगाएर झुण्डेको अवस्थामा फेला पारिएको थियो ।


आफ्नो भाइसँग डेरा गरी बस्ने उनले किन आत्महत्या गरेकी हुन भन्ने कारण चाहिं अहिलेसम्म खुलेको छैन । घट्नास्थलमा अहिले प्रहरी पुगिसकेको छ । उनको शव पोष्टमार्टमका लागि शिक्षण अस्पताल लगिएको छ ।

प्रहरीले उनको फोन रेकर्डबाट प्रोडक्सन म्यानेजर बालदिप राईलाई प्रक्राउ गरेको छ । राईसँग उनले राति २ बजे मोबाइलबाट अन्तीम कुरा भएको तथ्य बाहिर आएको छ । केहि वर्ष अघि अर्की नायिका श्रीका कार्कीले पनि आत्महत्या गरेकी थिइन ।

कोरियामा दुर्घटनामा परी पुन एक नेपालीको मृत्यु-दुतावाश मौन

टप नेको-
कोरिया, सउल

कोरियामा दुर्घटनामा परी पुन एक नेपालीको मृत्यु भएको छ ।सोमबार अपरान्ह पोखरा का लक्ष्मी गुरुङको यसरि मृत्यु भएको हो ।कोरियाको सुवन सहरमा भवन निर्माणकार्य गर्दै आएका गुरुङ्गको उक्त निर्माणाधिन भवनको दसौँ तलाबाट खसेर मृत्यु भएको हो ।गुरुङ्ग निर्माण समाग्रि लिएर जादै गर्दा खुट्टा चिप्लिन गई दसौँ तल्ला मुनिको भुईँमा बजजारिन पुगेका थिए । उनले उक्त समयमा सुरक्षाका सामाग्री प्रयोग गर्न नभ्याएको सहयात्रि चाईनिज नागरिक  मोङ्गग नि ले बताए । गुरुङ्ग कोरिया प्रवेश गरेको करिब बाईस वर्ष बितिसकेको थियो भने हाल उनी अबौधानिक रूपमा बसोबास गर्दै आइरहेका थिए । उनको सब प्रहरीको निगरानीमा सुवन हस्पिटलमा पोष्टमाट्रमका लागि राखिएको छ भने दूतावासको आवश्यक पहल नहुदा अनुसन्धान कार्यमा ढिलाईहुन गएको छ ।
 विभिन्न नेपाली सङ्घ सस्थाका परतिनिधिहरुले घटना स्थलमा उपस्थिति जनाउदै जानकारी लिए पनि नेपाली दुतावाशकोरियाले भने आफ्नो उपस्थिति जनएको छैन ।
यसरि कोरियामा गत चार वर्ष यतामात्र दुर्घटनामा परी मृत्यु हुनेको सङ्ख्या अब नौ पुग्न गएको छ ।