झापाका पत्रकार पौडेलको हत्या-अध्यक्ष शिव गाउँलेको संयोजकत्वमा छानविन समिति गठन

२२ चैत,  । झापाका पत्रकार यादव पौडेलको अज्ञात समूहले हत्या गरेको छ । एभिन्यूज टेलिभिजनका झपा संवाददाता पौडलको शव मंगलबारराति बिर्तामोड बसपार्क नजिक फेला परेको प्रहरीले जनाएको छ ।

मोटरसाइकलमा आएका ५/६ जनाको समूहले आक्रमण गरेको बताइएको छ । प्रहरीका अनुसार पौडेलको घाँटी रअनुहारमा धारिलो हतियारले प्रहार भएको छ ।

घटनामा संलग्न रहेको आशंकामा होटल व्यवसायी संघझापाका पूर्व अध्यक्ष युवराज गिरी होटल पूर्वाञ्चलका संचालक सोम ढकालसहितका १६ जनालाई नियन्त्रणमा लिई अनुसन्धान थालेको छ । मोरङ्गको सिंजुवा घर भएका ३८ वषर्ीय पौडेल गएको ८ वर्षदेखि बिर्तामोडमा बसेर पत्रकारिता गर्दै आउनुभएको थियो ।

यादवको हत्याबारे छानविन गर्न नेपालपत्रकार महासंघले सात सदस्यीय समिति गठन गरेको छ । महासंघको आज विहान बसेको आकस्मिकबैठकले अध्यक्ष शिव गाउँलेको संयोजकत्वमा छानविन समिति गठन गरेको हो । समिति आजैघटनास्थलतर्फ जाने छ । महासंघको आहृवानमा देशभर श्रद्धान्जिली सभा हुँदैछ ।

यसैबीच प्रधानमन्त्री डाक्टर बाबुरामभट्टराईले पत्रकार यादवको हत्यामा संलग्नलाई कारवाही गर्ने प्रतिवद्धता जनाउनु भएको छ। प्रधानमन्त्री भट्टराईले पत्रकार महासंघका अध्यक्ष गाउँलेलाई फोन गरी घटनाकोछानविन र दोषीमाथि कारवाही गर्ने बताउनु भएको हो ।

यस्तै राष्ट्रिय मानव अधिकार आयोगले पनि विज्ञप्ती निकालेर घटनाको भत्सना गरेको छ । आयोगले घट्नाको निष्पक्ष छानबिन गरी सत्यतथ्य सार्वजनिक गरेर दोषी उपर कारबाही गर्न तथा मृतकका परिवारलाई छतिपूर्ति र राहतको व्यवस्था यथाशीघ्र गर्न पनि सरकारसंग माग गरेको छ । घट्नाको अनुगमनका लागि आयोगको विराटनगरस्थित क्षेत्रीय कार्यालयबाट टोली गएको छ ।