आजका दैनिक पत्रिकाहरुमा यस्तो छापियो

आज मिति २०६८ साल चैत २६ गते आइतवार । काठमाण्डौबाट प्रकाशित हुने सवैजसो दैनिक पत्रिकाहरुले संबिधान बनाउन केन्द्रीत हुनुपर्ने मुख्य दलका शीर्ष नेताहरु कहाँ के गरिरहेका छन भन्ने गतिबिधिलाई मुख्य समाचार बनाएका छन् ।
कान्तिपुर दैनिकले जेठ १४ मै पूर्ण संबिधान ल्याउन दलहरु संघीयताको बिबाद समाधान गर्ने पहलमा लागेको समाचार छापेको छ । राजधानी दैनिकले संबिधानका बिबादित बिषयमा तीन दलका शीर्ष नेताहरुवीच अनौपचारिक सहमति जुटेको दावी गर्दै मुख्य समाचार छापेको छ । जसमा संवैधानिक अदालतको सट्टा इजलास बनाउने, मिश्रति निर्वाचन प्रणाली, पहिचान र सार्मथ्यसहित ६ देखि आठ प्रदेश बनाउने र राष्ट्रपति र प्रधानमन्त्रीमध्ये एक प्रत्यक्ष निर्वाचित हुने बिषयमा दलहरु सहमत भएको वताइएको छ ।